ـ
🔥 هتكلم النهارده عن حاجة بنستخدمها، وفي نفس الوقت... مش بنستخدمها! 🔥
📌 الحاجة دي هي Alpine Linux
انت كــ ديف اوبس او مبرمج اي كان الـ Stack الي شغال بيه او الدومين الي شغال فيه بتحتك بالـ Docker و لان دا بقي ال standard way of packaging application
ف لازم يكون عندك معرفة بالكونتينرز عموما مش شرط بتعمق لكن معرفة كفاية انك تشغل الابلكيشن بتاعك من غير مشاكل او مجهود كبير.
طيب نيجي لموضوع النهارده، ازاي بنستخدمه و ازاي في نفس الوقت مش بنستخدمه!!
خلينا الاول اقولك ان علشان يبقي عندك Docker image ف انت عندك Docker file بتعمله build و الناتج بيكون ال docker image الي بترنها كــ container
هنركز علي ال Docker file و دا و بإختصار للي ميعرفش ف هو ملف له تسميه خاصة و عبارة عن ملف Textعادي جدا و لكن جواه شوية اوامر لما بتتنفذ بتطلعلك ال docker image
اول هذه الاوامر هو ال FROM ويأتي بعدها الـ OS الي الابلكيشن بتاعك هيشتغل عليه و دا بيسمي بالـ Base Image و فيه ناس كتير شوفتهم بيخلوها Ubuntu او حاجة شبيهة وبيكون الامر كالتالي FROM ubuntu:latest او FROM debian:latest
الفكره هنا ان لما بستخدم base image كبيرة في الحجم ف ال Docker image الناتجة هيكون حجمها كبير هي كمان و دا بيزود وقت الـ Build و الـ Deployment وحاجات تانيه كتير لكن دول الي يهمونا حاليا.
طيب هل فيه حل ؟
اه الحل ان اشوف OS يكون حاجة lite اقدر اشغل عليه الدنيا و ف نفس الوقت يديني حجم صغير
و انا هنا بتكلم علي ال Alpine
💡و هي عبارة عن توزيعة Linux خفيفة جدًا، و متشال منه حاجات كتير مش محتاجها علشان ارن الابلكيشن بتاعي
خلينا ندي مثال
لو انا مستعمل Ubuntu as base image
ف حجم ال Docker image هيكون مثلا 900 MB
و لو مستعمل Alpine as base image
ف حجم ال Docker image هيكون مثلا 30 MB
اعتقد الفرق واضح
طيب نيجي للجزئية التانية و هي ازاي مش بنستخدمها 🤔
اقولك ان 90% من الناس الي شوفتها و اشتغلت معاها و متابعها بيقتصر استخدامها لـ Alpine linux ف الـ Docker File و بس
انا مؤخرا بدأت استخدمه كـ OS علي VM و علي Bare metel و الي ملاحظه ان الاداء روعه و ال Resources الي واخدها تكاد لا تذكر هسيب ف التعليقات لنكات تحمله من اين و تسطيب عليه دوكر ازاي
و حاليا بنيت بيه Multi-Node Kubernetes cluster كــ Home Lab و دا هيكون الموضوع القادم بإذن الله
لو كملت قراية لحد هنا، حابب اشكرك و اطلب منك تشاركني لو استخدمت Alpine قبل كدا و فادك ازاي ولو عندك Docker Image كبيرة وعايز تصغر حجمها، قولي وهنحلها سوا!
اي سؤال او حاجة مش واضحه، سبلي تعليق و انا هحاول ابسط الامور اكتر.
No comments:
Post a Comment